Де Хеа нима сабабдан МЮни тарк этиш ниятида бўлганини биласизми?

Англиянинг «Манчестер Юнайтед» клуби собиқ дарвозабонлар мураббийи Эрик Стили Давид де Хеа 2017 йили Ван Гал сабабли “Реал” клубига ўтиб кетишга қарор қилганини эслаб ўтди.

«У Луи Ван Гал қўл остида ўйнаганида, нима учун де Хеа жамоани тарк этиш ниятида юрганини барчамиз билардик. Улар ўзаро тил топиша олишмади.

Давид трансфер ойнасининг сўнгги кунидаги ҳодиса рўй бермаганида «Реал» клубига ўтиб кетган бўларди.

Де Хеа клубдан ёки мухлислардан норози эмасди, лекин, улар ўртасида нимадир рўй бергани аниқ. Энди ҳамма нарса бошқача.

У майдонга юзида табассум билан чиқиб келмоқда. Ҳозирда унинг кетишига ҳеч қандай сабаб кўрмаяпман», – деди Стили INews билан интервьюда.