Главная / Спорт / Ла лига. Барселона Фатининг иккита голи эвазига ғалаба қозонди

Ла лига. Барселона Фатининг иккита голи эвазига ғалаба қозонди

Испания чемпионатининг 22-тури доирасида “Барселона” ўз уйида “Леванте”ни қабул қилиб, 3 очкони қўлга киритди.

Учрашувнинг 30 ва 32-дақиқаларида Ансуман Фати иккита гол уришга муваффақ бўлди. 17 ёшли футболчининг ҳар иккала голига Месси ассистентлик қилди.

Шу тариқа, Фати Ла лига тарихида “дубл” қайд этган энг ёш футболчига айланди. У бугун 17 ёшу 94 кунлик бўлди.

Иккинчи бўлимга қўшиб берилган дақиқаларда эса Рубен Рочина олис масофадан зарба йўллаб, “Леванте”нинг битта жавоб тўпига муаллифлик қилди.

Ушбу ғалабадан кейин “Барселона” ўз очколарини 46тага етказди ва пешқадам “Реал” билан 3 очколик фарқни сақлаб қолди.

Испания чемпионати, 22-тур
Барселона – Леванте 2:1 (2:0, 0:1)
Голлар: 1:0 – 30 Фати, 2:0 – 31 Фати, 2:1 – 90+2 Рочина.
Барселона – тер Стеген, Пике, Лангле, Альба, Семеду, Ракитич, Бускетс, де Йонг (Артур, 80), Фати (Пуч, 87), Месси, Гризманн (Серджи Роберто, 71).
Леванте – Фернандес, Тоньо, Постиго, Везу, Мирамон, Кампанья, Рочина, Мелеро (Эрнани, 60), Вукчевич (Барди, 80), Рохер Марти, Моралес (Майораль, 60).
Огоҳлантиришлар: Пике (65), Альба (65).


Ҳаққимизда

Яна маълумот

kalyar

“Челси” “Барселона” футболчисини сотиб олмоқчи

Ҳимоячи Марк Куку Кукурельяга АПЛ клуби қизиқмоқда

100200300