Месси ёки Роналду? Юрген Клопп жавоб берди

Англиянинг «Ливерпуль» клуби бош мураббийи Юрген Клопп Лионель Месси ва Криштиану Роналду ўртасидаги қарама-қаршиликда кимни афзал кўришини айтди.

«Идеал футболчи – бу бўйдор, баланд сакрайдиган ва тезкор Роналду. Бу ерга Криштианунинг ўз ишига бўлган муносабатини қўшинг, шунда сиз ҳақиқий профессионалга эга бўласиз.

Иккинчи тарафдан олиб қараганда, кичкинагина Месси бор. Унинг ўйинини четдан кузатиб туриб, у ҳамма нарсага осонлик билан эришганга ўхшайди. Тўғрисини айтганда, менга Мессидек ўйинчи кўпроқ ёқади, аммо, Криштиану Роналду ҳам ажойиб футболчи», – деди Клопп ўз интервьюсида.